SIVIG

+ Si të veproj në rast aksidenti?

Dëmet e klientëve të kompanisë Sigma VIG, trajtohen pranë shoqërisë së trajtimit të dëmeve VIG Services Shqipëri. Mund të aplikoni në disa mënyra: > telefononoi në +355 4 220 3330/ 0676048703 > dërgoni email në demet@vig.al > paraqituni pranë zyrave në adresën Rr ‘Dritan Hoxha’, pranë Pallatit të Sporteve “Asllan Rusi”, Laprakë, Tiranë;

+ Kam policë të sigurimit shëndet në udhëtim. Nëse shkoj në një spital jashtë Republikës së Shqipërisë për të kryer një vizitë a më mbulon shpenzimet shoqëria e sigurimit?

Kontrata e sigurimit të shëndetit në udhëtim nuk mbulon shpenzimet spitalore të planifikuara më parë. Kjo kontratë mbulon shpenzimet spitalore për sëmundje akute, të menjëhershme si dhe aksidenteve personale, të cilat mund të ndodhin në mënyrë të papritur kur jeni duke udhëtuar përkohësisht jashtë Shqipërisë. Përpara se të nënshkruani kontratën e sigurimit lexoni me kujdes mbulimet dhe përjashtimet që janë të përcaktuara në të.

+ Çfarё duhet tё di përpara se tё firmos njё kontratё sigurimi?

Kur firmosni njё kontratё sigurimi, merrni kohёn e mjaftueshme pёr ta lexuar dhe kuptuar. Kёrkojini paraprakisht kompanisë së sigurimit t’ju vёrё nё dispozicion tё gjitha termat dhe kushtet e përgjithshme të kontratёs, pёrllogaritjet e kryera, shpjegime dhe çfarёdolloj informacioni tjetёr që duhet tё dini paraprakisht!

+ Kam blerë një makinë dhe dua të bëj sigurimin TPL me Sigma VIG. Si të veproj?

Mund të blini sigurimin TPL direkt online, nëpërmjet aplikacionin SIVIG ose webshop. Nëse jeni më tradicional mund të vizitoni rrjetin e degëve tona në të gjithë Shqipërinë, për më shumë informacion dhe kontakte në website gjeni edhe rrjetin e degëve të Sigma VIG. Jeni të mirëpritur të lidheni me ne edhe në mënyrat më poshtë shënuar: Adresa: Rr. Komuna e Parisit, Pallati Lura, Tiranë, Albania Tel: (falas) 0800 01 01 Mob: +355694073849 Tel: +355 4 225 8254 E-mail: kontakt@sivig.al

+ Kam në pronësi një automjet të pajisur me mbulimin Kasko. E kam dhënë me qera tek dikusht tjetër. Në rast aksidenti përfitoj dëmshpërblim nga shoqëria e sigurimit?

Çdo individ, përpara nënshkrimit të kontratës së sigurimit kasko, plotëson formularin standard, në të cilin përcaktohet qartësisht se pas plotësimit të kërkesës për sigurim, i siguruari nuk mund të kryejë ose lejojë ndryshime që sjellin shtimin e rrezikut, pa miratimin me shkrim të siguruesit. Në rast të moszbatimit të këtij kushti, siguruesi çlirohet nga detyrimi për dhënien e dëmshpërblimit. Prandaj, nëse dhënia me qera e automjetit tuaj është miratuar me shkrim edhe nga shoqëria e sigurimit, atëhere përfitoni dëmshpërblim në rast të ndodhjes së ngjarjes së sigurimit.