SIGMA VIG mbështet edukimin dhe njohjen e natyrës shqiptare: Ekskursioni i nxënësve të Bulqizës në Lagunën e Karavastasë
Nxënësit e shkollës 9-vjeçare “Jashar Kola” në Bulqizë, së bashku me stafin arsimor, zhvilluan një eksursion edukativ me temë “Njohja e Lagunës së Karavastasë”, si pjesë e programit praktik të mësimdhënies. SIGMA Vienna Insurance Group, në kuadër të angazhimit të saj për përgjegjësi shoqërore, e mirëpriti me dashamirësi këtë nismë që nxit dashurinë për natyrën, edukimin mjedisor dhe eksplorimin e pasurive natyrore të vendit tonë. Nëpërmjet bashkëpunimit me drejtorin e shkollës, Z. Rasim Mehdi Toska, SIGMA VIG sponsorizoi ekskursionin e nxënësve gjatë muajit qershor 2023, duke mundësuar një ditë të paharrueshme për fëmijët, plot mësim, argëtim dhe zbulime të reja. Vizita në Lagunën e Karavastasë, një nga zonat më të rëndësishme të biodiversitetit në Shqipëri, u kthye në një përvojë frymëzuese, që ndihmoi nxënësit të mësojnë më shumë për ekosistemet, ruajtjen e mjedisit dhe rëndësinë e bashkëjetesës së njeriut me natyrën.
Edukimi i brezave të rinj është një nga shtyllat kryesore të angazhimit social të SIGMA Vienna Insurance Group. Mbështetja e vazhdueshme ndaj nxënësve të shkollës “Jashar Kola” në Bulqizë, tashmë një traditë e bukur për kompaninë tonë, na mbush me krenari dhe gëzim. Në një kohë kur teknologjia dhe realiteti virtual po marrin gjithnjë e më shumë hapësirë në jetën e të rinjve, është frymëzuese të shohësh nxënës që zgjedhin të njihin nga afër historinë, kulturën dhe natyrën shqiptare. Në ekskursion e radhës, gjatë muajit qershor 2024, fëmijët patën mundësinë të eksploronin disa nga destinacionet më të veçanta të trashëgimisë shqiptare, si Manastiri i Ardenicës në Fier dhe Amfiteatri i Butrintit, një nga zonat arkeologjike më të rëndësishme në vend, vetëm 14 kilometra në jug të Sarandës.
Udhëtimi u kthye në një përvojë të paharrueshme për nxënësit e shkollës “Jashar Kola” — një kombinim i mësimit përmes përvojës, aventurës dhe argëtimit, që u dha atyre kujtime të çmuara dhe një dashuri më të madhe për Shqipërinë. Ky aktivitet është dëshmi e përkushtimit të SIGMA VIG për të investuar në arsim, kulturë dhe zhvillimin personal të brezit të ri, duke e bërë edukimin një udhëtim frymëzues për çdo fëmijë.
