Gjatë festave dhurojmë më shumë entuziazëm dhe dashuri për moshën e tretë në Shtëpinë e Të Moshuarve në Tiranë.
Sigma Vienna Insurance Group me eksperiencë të suksesshme njëzetepesë vjeçare në profilin e sigurimeve në Shqipëri, në vëmendje të filozofisë dhe punës së saj ka edhe suportin e projekteve sociale, me synimin për të motivuar dhe ndërgjegjësuar rritjen e përgjegjësisë sociale karshi kauzave me rëndësi të lartë, të cilat nëse qëndrojnë gjatë në hije, transformohen në problematika të thella ekonomiko - sociale për shoqërinë.
Një ndër shtresat më të prekura në shoqërinë tonë, ndër vite, janë të moshuarit. Prandaj vëmendja e Sigma VIG këtë fundvit përqëndrohet me shumë kënaqësi tek organizimi i drekës festive në datë 21 dhjetor 2023, për të moshuarit e Shtëpisë së të Moshuarve, në lagjen Ali Demi, Tiranë. Festës, iu bashkuan edhe pjestar të stafit të Sigma VIG, maksimalisht të frymëzuar nga kompania për të qenë individë sa më produktiv për komunitetin në tërësi dhe kauzat e veçanta sociale në veçanti.
Entuziazmi dhe dashuria, janë dhuratat më të bukur që mund të përcjellim për moshën e tretë, që pleqërojnë në Shtëpinë e të Moshuarve në Tiranë! Nën tingujt e muzikës popullore, duke hedhur valle, përpara një tryeze të bollshme dhe nën shoqërinë e stafit të Sigma VIG, të moshuarit iu gëzuan ambientit festiv duke marr shumë dashuri, gëzim, dhe vëmendje për të dëgjuar bisedat e tyre nostalgjike! Këta të moshuar, meritojnë më shumë vëmendje dhe prani jo vetëm për të festuar, por edhe për të dëgjuar histori jete të mbushura me mall dhe nostalgji, të cilat familja e madhe e Sigma VIG ua dhuroi me shumë dashamirësi. Përgjatë festave, por edhe më tej, Sigma VIG dëshiron t’iu frymëzoj për t’ju qëndruar më pranë të moshuarve, një kategorie gjithmonë në vështirësi në Shqipëri, por që në fund të ditës, ka më shumë nevojë për prani, vëmendje të shtuar dhe shumë dashuri!
