Festivali Ndërkombëtar Operistik “Marie Kraja”, i themeluar në vitin 1999, është eventi i vetëm në Shqipëri që promovon dhe zhvillon talente operistike sipas standardeve ndërkombëtare. Në edicionin e tij të 20-të, zhvilluar gjatë tre netëve në skenën e TKOB, performuan 16 këngëtarë të talentuar nga e gjithë bota.
Festivali, i ndërtuar si një spektakël madhështor, solli emocione dhe energji tek një publik elitar, i cili vlerëson dhe shijon muzikën lirike. Në moderimin e sopranos shqiptare Enkeleda Kamani, gazetarit Blendi Salaj dhe sopranos së talentuar Vikena Kamencia, artistët konkuruan në dy disiplina: arie dhe këngë, duke interpretuar pjesë nga repertori më i njohur liriko-botëror dhe shqiptar. Performancat në formën e dueteve përcollën magjinë dhe emocionin unik të muzikës operistike.
Sigma VIG mbështet këtë festival me synimin për të promovuar muzikën klasike dhe talentet operistike, duke kontribuar në rritjen dhe pasurimin e jetës artistike në qytet dhe duke afruar artin elitar më pranë publikut shqiptar.
