SIGMA VIG përkrah artin dhe trashëgiminë kulturore shqiptare: në nder të mjeshtrit Gjon Mili
Në kuadër të angazhimit të saj të vazhdueshëm për përgjegjësinë shoqërore korporative, SIGMA Vienna Insurance Group mbështet nisma që promovojnë artin, kulturën dhe edukimin, si vlera thelbësore për zhvillimin e qëndrueshëm të shoqërisë. Një nga këto iniciativa është bashkëpunimi me Kongresin Rinor Kombëtar, në kuadër të festivalit dedikuar artistit të madh shqiptar, Gjon Mili – një figurë shumëdimensionale që la gjurmë të pashlyeshme në historinë e fotografisë botërore.
Gjon Mili ishte mjeshtër dhe novator i fotografisë, kontributor i rëndësishëm në fushën sociale e kulturore në Shtetet e Bashkuara dhe në mbarë botën. Përveçse muzikant që luante oboen, ai kishte një lidhje të veçantë me muzikën jazz, të cilën e dokumentoi mjeshtërisht gjatë Swing Era-s dhe periudhës së Modern Jazz. Falë fotografive ikonike të realizuara në vitet ’40–’60, Mili u bë një prej artistëve më të njohur që bashkoi fotografinë me muzikën dhe filmin, duke lënë pas një trashëgimi të pasur kulturore. Duke u frymëzuar nga vepra dhe mesazhi i tij, SIGMA VIG synon të frymëzojë brezin e ri të artistëve shqiptarë, duke theksuar rëndësinë e kreativitetit, pasionit dhe përkushtimit në ndërtimin e një të ardhmeje më të ndritshme.
Për SIGMA VIG, mbështetja ndaj artit dhe kulturës nuk është vetëm një formë sponsorizimi – është një angazhim për zhvillim shoqëror dhe kulturor, që ndihmon në forcimin e identitetit kombëtar dhe në promovimin e vlerave shqiptare në arenën ndërkombëtare.
