Një ditë në familjen e Rajmondës – kur solidariteti sjell buzëqeshje
Rajmonda është një grua që të frymëzon që në momentin e parë. Pas buzëqeshjes së saj të ngrohtë, fshihet një histori force dhe qëndrueshmërie përballë sfidave të jetës. Pas një bisede të shkurtër, kupton se jeta nuk ka qenë e lehtë për të dhe familjen e saj – mes vështirësive ekonomike dhe problemeve shëndetësore që e kufizojnë atë dhe bashkëshortin e saj në mundësitë për punë.
Në prag të festave të fundvitit, Sigma Vienna Insurance Group zgjodhi të jetë pranë kësaj familjeje përmes një nisme të veçantë solidariteti. Falë ndihmës së ofruar, familja e Rajmondës arriti të sigurojë veshje të reja, ushqime, lodra për fëmijët, libra dhe një lavatriçe, duke sjellë lehtësi dhe gëzim në përditshmërinë e tyre.
Ky gjest i vogël, por me ndikim të madh, është pjesë e angazhimit të vazhdueshëm të Sigma VIG në Shqipëri për të qenë më shumë se një kompani sigurimesh – për të qenë një partner i kujdesit dhe i solidaritetit në komunitet. Sepse ndonjëherë, një buzëqeshje e rikthyer vlen më shumë se çdo gjë tjetër.
