Sigma VIG mbështet nismën “Gjesti që kthehet në shpresë” – Bashkë për një qëllim me vlerë
Nisma tashmë e kthyer në traditë në Shqipëri, “Gjesti që kthehet në shpresë”, rifilloi misionin e saj në shtator 2023, me një qëllim fisnik: mbledhjen e tapave plastike për riciklim, nga shitja e të cilave sigurohet blerja e karrocave dhe protezave për personat me gjymtyrë të amputuara. Fushata e këtij viti mori përmasa kombëtare, duke angazhuar një pjesë të gjerë të shoqërisë shqiptare. Një veprim i vogël, por me ndikim të madh, dëshmoi se kur bashkohemi për të njëjtin qëllim, mund të ndryshojmë jetën e të tjerëve dhe të kontribuojmë për një mjedis më të pastër.
Me ndjeshmëri të lartë ndaj kauzave sociale dhe mbështetjes së personave me aftësi të kufizuara, Sigma VIG iu bashkua me krenari kësaj nisme. Stafi i saj, i motivuar dhe i përkushtuar, grumbulloi një sasi të konsiderueshme tapash plastike, duke kontribuar në dy drejtime të rëndësishme:
-
Mbrojtjen e mjedisit nga ndotja plastike
-
Ndihmën konkrete për individët që kanë humbur gjymtyrët, duke siguruar mjete të përshtatshme për lëvizje
Fushata u zhvillua në tre faza dhe u përqafua me entuziazëm nga stafi i Sigma VIG, i cili e shndërroi këtë iniciativë në një zakon të ri të ndërgjegjshëm – kujdesin ndaj hedhjes së mbeturinave plastike dhe përfshirjen aktive në veprime me ndikim social.
