Sigma VIG kontribuon për një Tiranë më të gjelbër
Në një qytet që rritet çdo ditë, mungesa e hapësirave të gjelbra mbetet një nga sfidat më të mëdha urbane, veçanërisht në zonat me zhvillim të dendur. Me bindjen se çdo hap i vogël sjell ndryshim të madh, Sigma Vienna Insurance Group (Sigma VIG) iu bashkua nismës së Bashkisë Tiranë për gjelbërimin e qytetit, nën sloganin “Një pemë sot, më të sigurt mot.”
Në kuadër të kësaj fushate, stafi i Sigma-s dhuroi dhe mbolli 20 pemë dekorative të llojit “Bli” në Njësinë Administrative Nr. 5, duke kontribuar në përmirësimin e cilësisë së ajrit dhe bukurisë estetike të zonës. Kjo nismë u mirëprit me entuziazëm nga banorët e komunitetit lokal, si dhe u vlerësua nga Bashkia e Tiranës për kontributin e saj në krijimin e një mjedisi më të pastër, më të shëndetshëm dhe më të qëndrueshëm për qytetarët.
Përmes këtij angazhimi, Sigma VIG forcon rolin e saj si kompani që kujdeset për komunitetin dhe mjedisin, duke treguar se kujdesi për natyrën është pjesë e pandashme e kulturës së saj korporative.
