SIGMA VIG mbështet edukimin mjekësor dhe promovon një stil jetese të shëndetshëm
Promovimi i jetesës së shëndetshme nuk kufizohet vetëm te aktivitetet sportive apo fushatat ndërgjegjësuese, por përfshin edhe mbështetjen e iniciativave edukative për profesionistët e shëndetësisë. Një shembull i tillë ishte seminari “Basic Laparoscopy and Hysteroscopy Course”, i organizuar nga një grup mjekësh të njohur shqiptarë në bashkëpunim me profesorë të shquar italianë në fushën e kirurgjisë minimale invazive.
Falë mbështetjes së SIGMA Vienna Insurance Group, nga ky seminar përfituan jo vetëm mjekët dhe kirurgët që morën pjesë, por edhe sistemi shëndetësor shqiptar dhe pacientët që do të përfitojnë nga njohuritë dhe praktikat më të avancuara mjekësore.
Kjo nismë është një tjetër dëshmi e angazhimit të SIGMA VIG për të investuar në zhvillimin profesional të mjekëve shqiptarë, si dhe për të përmirësuar cilësinë e kujdesit shëndetësor në vend, duke e lidhur edukimin me përmirësimin e mirëqenies së komunitetit.
