Sigma VIG në mbështetje të Federatës Shqiptare të Peshëngritjes
Në përputhje me misionin e saj për të promovuar jetesën e shëndetshme dhe aktive, Sigma Vienna Insurance Group (Sigma VIG) vijon të mbështesë iniciativa që nxisin mirëqenien fizike dhe sociale në komunitet.
Sporti është një nga shtyllat që përforcon jo vetëm trupin, por edhe karakterin dhe solidaritetin shoqëror. Në këtë frymë, Sigma VIG ka zgjedhur të mbështesë Federatën Shqiptare të Peshëngritjes, duke u bërë pjesë e përgatitjeve të ekipit kombëtar të peshëngritjes. Kompania ka kontribuar në pajisjen e sportistëve me uniforma zyrtare për stërvitje dhe përfaqësime ndërkombëtare, si shenjë respekti dhe vlerësimi për punën e tyre të palodhur.
Ky bashkëpunim reflekton filozofinë e Sigma VIG – që forca e vërtetë nuk qëndron vetëm te sigurimet, por te mbështetja e vazhdueshme për njerëzit që frymëzojnë dhe ndërtojnë një shoqëri më të shëndetshme.
