SIGMA mbështet talentet e reja shqiptare: Ana Kodra, zëri që përfaqëson Shqipërinë në skenat ndërkombëtare
Në kuadër të angazhimit të saj të vazhdueshëm për të mbështetur artin dhe talentet e reja shqiptare, SIGMA Vienna Insurance Group ka zgjedhur të jetë pranë një artisteje të veçantë – Ana Kodra, një vajzë e re dhe e talentuar në fushën e këngës. E lindur dhe rritur në Tiranë, Ana ka spikatur që në moshë të vogël me zërin e saj të fuqishëm dhe interpretimet plot ndjenjë. Sot, ajo përfaqëson Shqipërinë në kompeticione ndërkombëtare, duke dëshmuar se arti shqiptar ka potencial të madh për të shkëlqyer përtej kufijve.
SIGMA beson fort se talenti duhet mbështetur, sidomos në hapat e parë të karrierës, kur çdo ndihmë bën diferencën midis ëndrrës dhe suksesit real. Për ne, është një përgjegjësi dhe një nder të jemi pjesë e rrugëtimit të një artisteje që frymëzon brezin e ri dhe promovon imazhin pozitiv të vendit tonë në botë. Përmes kësaj nisme, SIGMA riafirmon misionin e saj për të investuar në potencialin njerëzor, në kulturë dhe në artin shqiptar, duke kontribuar në ndërtimin e një të ardhmeje ku vlerat, pasioni dhe përkushtimi shpërblehen.
