Projekti “Të Sigurtë për në Shkollë, Të Sigurtë për në Shtëpi” me fokusin dedikuar edukimit dhe sigurisë së nxënësve të shkollave 9- vjeçare në kryeqytet, organizuar nga Kryqi i Kuq Shqiptar, dega Tiranë në bashkëpunim me Drejtorinë e Përgjithshme të Transportit Rrugor, është një organizim ndaj të cilit Sigma VIG nuk ka se si të mos bëhet pjesë dhe jap kontributin e saj. Qëllimi kryesor i projektit është edukimi i brezave të rinjë, të grupmoshës 10-14 vjeç, me rregullat e qarkullimit rrugor, për të parandaluar aksidentet në rrugë dhe pasojat e tyre fatale. Gjithashtu, vullnetarët e Kryqit të Kuq Tiranë, përcollën tek fëmijët teknika të ndihmës së parë në rast aksidenti, ndërkohë që specialistët e Dpshtrr, nëpërmjet organizimit të lojërave praktike dhe argëtimit, synuan edukimin e fëmijëve me rregullat e sjelljes si këmbësor dhe njohjen e sinjalistikës rrugore. Kur fjala vjen tek siguria, Sigma VIG është gjithmonë e dëshiruar të jap kontributin e saj në shoqëri. Stafi i Sigma VIG së bashku me vullnetarët e Kryqit të Kuq Tiranë dhe specialistët e Dpshtrr-së, ishin entuziast në përcjelljen e broshurave me informacion rreth rregullave sigurisë rrugore dhe njëherësh aktiv në përcjelljen e këshillave të sigurisë tek fëmijët. Stafi ynë mori pjesë në ditët intensive të organizimit “Të Sigurtë për në Shkollë, Të Sigurtë për në Shtëpi”, duke nisur nga shkolla “Protagonistët” , “Dhora Leka” dhe organizimi i aktivitetit në Sheshin Italia, Tiranë, me pjesëmarrjen e Forcave Zjarrëfikëse dhe Policinë e Shtetit, të bashkuar për të edukuar fëmijët, nëpërmjet shembujve dhe simulimeve praktike, rreth sigurisë rrugore, sinjalistikës, respektimit të rregullave dhe gjithashtu teknikave për dhënien e ndihmës së parë. Në të tre ditët e aktivitetit të sigurisë rrugore, fëmijët shprehën interes të lartë, bashkëpunim dhe entuziazëm në përvetësimin e çdo informacioni, gjithashtu duke e bërë më argëtues nëpërmjet lojërave. Sigma VIG është e motivuar të jap kontributin e saj në kauza me rëndësi të lartë sociale, veçanërisht kur në fokus të tyre janë fëmijët dhe siguria, gjithashtu e frymëzuar për të nxitur stafin e saj në pjesëmarrjen e shërbimit ndaj komunitetit dhe shoqërisë, me misionin për të ndihmuar në formimin e brezave të rinjë qytetarë dhe të përgatitur për të përballuar sfidat e së ardhmes.