“Tre Tenorët” – Një Ngjarje Operistike e Jashtëzakonshme në Zemër të Tiranës
Një tjetër event artistiko-kulturor që gëzon mbështetjen tradicionale të Sigma VIG është “Tre Tenorët”. Ky koncert i veçantë i muzikës operistike sjell çdo vit artistë nga e gjithë bota, duke performuar në salla dhe ambiente prestigjioze të Tiranës, si Pallati i Kongreseve, Teatri i Operas dhe Baletit, Amfiteatri dhe vendet e tjera ikonike të kryeqytetit.
Prej vitesh, ky spektakël ka fituar zemrat e publikut shqiptar, i cili pret me padurim çdo edicion për të zbuluar programacionin dhe artistët ndërkombëtarë që do të performojnë. Çdo vit, “Tre Tenorët” ofron një përvojë unike të muzikës klasike, duke kombinuar talentin lokal dhe ndërkombëtar dhe duke rikrijuar atmosferën magjike të operës në një nga ngjarjet më të njohura kulturore të vendit.
Me këtë mbështetje, Sigma VIG kontribuon jo vetëm në promovimin e artit dhe kulturës shqiptare, por edhe në lidhjen me komunitetin dhe publikun që e vlerëson çdo herë këtë traditë të bukur artistike.
