Rreth SIGMA Vienna Insurance Group sh.a
Sigma VIG sh.a është një ndër kompanitë më të rëndësishme të sigurimeve në Shqipëri, e themeluar në vitin 1999 dhe e licencuar nga Autoriteti i Mbikëqyrjes Financiare për ofrimin e sigurimeve të Jo-Jetës. Aktiviteti i saj mbulon një gamë të gjerë produktesh sigurimi, duke përfshirë sigurimin e mjeteve motorike, sigurimin e pronës, sigurimin e shëndetit dhe sigurime të tjera jo-jetë, duke ofruar zgjidhje të përshtatura për individë, biznese dhe korporata.
Në vitin 2004, Sigma VIG zgjeroi aktivitetin e saj edhe në Kosovë, duke konsoliduar më tej pozicionin si një aktor i rëndësishëm rajonal në fushën e sigurimeve.
Që prej vitit 2007, Sigma është pjesë e Vienna Insurance Group (VIG) – grupit më të madh të sigurimeve në Austri dhe një lider i padiskutueshëm në Europën Qendrore dhe Lindore. Ky integrim i ka dhënë kompanisë ekspertizë ndërkombëtare dhe një bazë solide për të ofruar shërbime sigurimi të standardeve më të larta.
Sigma Vienna Insurance Group në vitin 2025
Në vitin 2025, SIGMA Vienna Insurance Group vijoi të konsolidojë pozicionin e saj në tregun shqiptar të sigurimeve, duke u renditur ndër katër shoqëritë kryesore të sigurimit në vend për nga vëllimi i primeve të shkruara dhe duke zotëruar 12.69% të tregut të sigurimeve Jo-Jetë. Gjatë veprimtarisë së saj, shoqëria ka operuar në një mjedis ekonomik dhe rregullator në zhvillim të vazhdueshëm, duke adresuar me sukses sfidat e tregut përmes një qasjeje të bazuar në profesionalizëm, qëndrueshmëri financiare, menaxhim të kujdesshëm të riskut dhe forcim të vazhdueshëm të strukturave organizative.
Pozicionimi i SIGMA VIG mbështetet në përkatësinë e saj në Vienna Insurance Group, një nga grupet më të mëdha të sigurimeve në Evropën Qendrore dhe Lindore, si dhe në eksperiencën e konsoliduar të ndërtuar ndër vite në tregun vendas. Këta faktorë i kanë mundësuar shoqërisë të ofrojë zgjidhje të besueshme sigurimi dhe mbrojtjeje financiare për individët dhe bizneset, duke kontribuar në mbrojtjen e shëndetit, pronës dhe aktiviteteve ekonomike të klientëve të saj. Përmes këtij angazhimi, SIGMA VIG synon të krijojë vlerë të qëndrueshme për klientët, aksionarët, partnerët dhe komunitetin, duke mbështetur zhvillimin afatgjatë të tregut të sigurimeve në Shqipëri.
Transformimi digjital mbetet një nga shtyllat strategjike të zhvillimit të SIGMA VIG, duke avancuar me ritme të shpejta në të gjitha nivelet e shërbimit. Përmes investimeve të vazhdueshme në teknologji, automatizim dhe kanale digjitale, kompania po ndërton një eksperiencë gjithnjë e më të thjeshtë, të shpejtë dhe të personalizuar për klientët. Zhvillimi i platformave online dhe i aplikacionit SIVIG synon jo vetëm lehtësimin e proceseve të sigurimit, por edhe krijimin e një marrëdhënieje më të afërt, më transparente dhe më efikase me çdo klient.
