9 në 10 punonjës e vlerësojnë VIG Holding si një vend të shkëlqyer pune

Më 1 shtator 2026, VIG Holding mori sërish certifikimin ndërkombëtarisht të njohur “Great Place To Work”. Certifikimi bazohet në një anketë anonime dhe të pavarur mbi angazhimin e punonjësve. Rezultatet tashmë shumë të mira të anketës së vitit 2024 u përmirësuan edhe më tej në të pesë fushat kryesore: besueshmëria, respekti, drejtësia, krenaria dhe fryma e bashkëpunimit.

“9 nga 10 punonjësit tanë thonë se VIG Holding është një vend shumë i mirë për të punuar, ndërsa në vitin 2024 ky raport ishte 8 nga 10. Ky është një përmirësim i rëndësishëm dhe jemi shumë të kënaqur për këtë rezultat. Punonjësit tanë janë themeli i suksesit tonë dhe, përmes përkushtimit të tyre të përditshëm, formësojnë kulturën tonë organizative. Vlerësimet e marra nga anketa po analizohen më në detaje dhe do të shërbejnë për zhvillimin e mëtejshëm të kulturës sonë të punës. Punonjësit dhe menaxherët janë të përfshirë aktivisht në këtë proces”, thotë Hartwig Löger, CEO i Vienna Insurance Group.

Rezultatet tregojnë gjithashtu një ndjenjë të fortë përkatësie ndaj VIG Holding: 86% e të anketuarve janë krenarë për vendin e tyre të punës, ndërsa po aq e rekomandojnë VIG Holding si një punëdhënës shumë të mirë.

Balanca jetë-punë, diversiteti dhe kujdesi vlerësohen veçanërisht pozitivisht

Në VIG Holding, balanca mes jetës personale dhe profesionale, si edhe një qasje e drejtë dhe vlerësuese ndaj diversitetit, janë veçuar si pika të forta. Punonjësit vlerësuan gjithashtu pozitivisht aspektet që lidhen me kujdesin ndaj mirëqenies dhe shëndetit mendor.

“Një kulturë e mirë pune reflektohet mbi të gjitha në mënyrën se si punonjësit e përjetojnë realisht përditshmërinë e tyre në vendin e punës. Kushtet fleksibile të punës i ndihmojnë ata të harmonizojnë jetën profesionale me atë personale. Këto mbështeten nga një sërë iniciativash që lidhen me shëndetin dhe familjen. Jam veçanërisht e kënaqur që diversiteti dhe respekti i ndërsjellë perceptohen kaq pozitivisht nga punonjësit tanë”,  thotë Barbara Hohl, Drejtuese e Burimeve Njerëzore në VIG.

Një panoramë shumë pozitive edhe në nivel Grupi

Një numër i madh kompanish të VIG Group shfrytëzuan mundësinë për të marrë pjesë në anketën Great Place To Work gjatë vitit 2026. Rreth 26,000 punonjës në të gjithë Grupin VIG u ftuan të merrnin pjesë, ndërsa shkalla e përgjigjeve arriti në 77%.

Mesatarisht në nivel Grupi, tre të katërtat e punonjësve konsiderojnë se kompania e tyre është një vend shumë i mirë për të punuar. Ambicia për të qenë një punëdhënës tërheqës është gjithashtu e integruar në mënyrë strategjike brenda Grupit. Zhvillimi i vazhdueshëm i punonjësve dhe i kulturës organizative është pjesë e evolve28, programit strategjik të Grupit deri në vitin 2028. Gjithashtu, punonjësit përbëjnë një nga gjashtë fushat kryesore të ndikimit në programin e qëndrueshmërisë së VIG.

Rreth Great Place to Work

Çdo vit, Great Place To Work® anketon më shumë se 20 milionë punonjës në mbarë botën për të identifikuar elementët që e bëjnë një vend pune vërtet të shkëlqyer. Rezultatet pasqyrohen në Trust Index™, i cili mat përvojën e punonjësve në fusha kyçe si besimi, lidershipi, vlerësimi dhe bashkëpunimi. Kompanitë që dallohen për një kulturë organizative të shkëlqyer vlerësohen me certifikimin Great Place To Work®-Certified

Vienna Insurance Group (VIG) është grupi lider i sigurimeve në të gjithë rajonin e Evropës Qendrore dhe Lindore (CEE). Mbi 50 kompani sigurimi dhe fonde pensionesh në 30 shtete përbëjnë një Grup me traditë të gjatë, marka të fuqishme dhe marrëdhënie të ngushta me klientët. Rreth 34,000 punonjës të VIG kujdesen çdo ditë për nevojat e afro 36 milionë klientëve.

Aksionet e VIG janë të listuara në Bursën e Vjenës që prej vitit 1994, në Bursën e Pragës që prej vitit 2008 dhe në Bursën e Budapestit që prej vitit 2022. VIG Group gëzon vlerësimin A+ me perspektivë pozitive nga agjencia ndërkombëtarisht e njohur e vlerësimit Standard & Poor’s.